Nýir kjarasamningar Samtaka atvinnulífsins við félög verkafólks fela í sér ýmsar nýjungar sem ætlað er að auka sveigjanleika fyrirtækjanna og fækka ágreiningsmálum. Mikilvægt er að atvinnurekendur kynni sér vel ákvæði samninganna og framkvæmi rétt frá fyrsta degi.

Rafverktökum ber að reka innri öryggisstjórn-unarkerfi, en sæta jafnframt úrtaksskoðunum skoðunarstofa, sem fer fækkandi komi þeir ítrekað vel út. Slíkt fyrirkomulag mætti viðhafa víðar. Varla getur t.d. talist nauðsynlegt að viðhafa árlegt utanaðkomandi eftirlit með öllum starfsstöðvum fyrirtækja sem reknar eru skv. sömu handbókinni, sbr. bensínstöðvar. Þetta er meðal þess sem fram kemur í væntanlegri skýrslu SA um eftirlit með atvinnustarfsemi.

Það getur ekki verið markmiðið að sjónarmið varðandi persónufrelsi einstakra starfsmanna vegi alltaf þyngra en heilbrigði og öryggi annarra starfsmanna, segir Ari Edwald, framkvæmdastjóri SA. Tilgangur vímu-efnaprófa sé fyrst og fremst að standa vörð um öryggi starfsmanna en ekki áhugi fyrirtækja á persónulegum högum manna.

Samtök atvinnulífsins halda aðalfund sinn þriðjudaginn 4. maí á Grand Hótel Reykjavík. Auk ávarpa formanns SA og Davíðs Oddssonar forsætisráðherra verður kynnt ný skýrsla samtakanna um eftirlit með atvinnustarfsemi og tillögur til úrbóta. Þá mun framkvæmdastjóri hjá sænsku samtökum atvinnulífsins flytja erindi um leiðir til þess að efla traust almennings á atvinnulífinu.

Göran Trogen, framkvæmdastjóri hjá sænsku samtökum atvinnulífsins verður gestur á aðalfundi SA, sem haldinn verður á Grand Hótel þriðjudaginn 4. maí nk. Þar mun Trogen flytja erindi um leiðir til þess að efla traust almennings á atvinnulífinu, en hann hefur gegnt lykilhlutverki í viðamiklu starfi sænsku samtaka atvinnulífsins í þessu skyni.

Á kjaramálavef SA er að finna kaupgjaldsskrá SA vegna verkafólks sem gildir frá 1. mars 2004. Starfsfólk SA svarar fyrirspurnum frá félagsmönnum og er þeim innan handar ef skýra þarf einstök ákvæði samninganna.

Kjarasamningar SA við Starfsgreinasambandið og Flóabandalagið, sem undirritaðir voru 7. mars sl., hafa verið samþykktir í atkvæðagreiðslum stéttarfélaganna, nema á Höfn og í Vestmanna-eyjum þar sem þeir voru felldir. Samningana og umfjöllun um þá er að finna á vef SA.

 

Ríkisstjórnin hefur samþykkt yfirlýsingu vegna gerðar kjarasamninga á almennum vinnumarkaði, þar sem fjallað er um starfsmenntamál, lífeyrismál, atvinnuleysisbætur og tryggingagjald.

Frumkvöðlakraftur á Íslandi er mikill, með hæsta móti í Evrópu, en hefur þó dvínað. Skortur á áhættufjármagni er talinn stærsti veikleiki í umhverfi frumkvöðlastarfsemi á Íslandi. Þetta er meðal niðurstaðna úr alþjóðlegri rannsókn (GEM) sem Háskólinn í Reykjavík tekur þátt í, með stuðningi SA o.fl.

Verslunarráð Íslands, Samtök atvinnulífsins og Kauphöll Íslands hafa kynnt nýjar leiðbeiningar um starfshætti fyrirtækja sem hafa að markmiði að skýra hlutverk og störf stjórnarmanna og stjórnenda fyrirtækja á Íslandi. Með leiðbein-ingunum er þessum aðilum auðveldað að rækja skyldur sínar um leið og hagur allra hluthafa í hlutafélögum er efldur.

Í ræðu sinni á aðalfundi SVÞ sagði Sigurður Á. Sigurðsson, formaður samtakanna, m.a. að ekkert bannaði að fyrirtæki yrðu stór og í raun væri það æskileg þróun fyrir atvinnulífið. Ef einhver dæmi væru um misbeitingu á markaðsráðandi stöðu fyrirtækja ætti að beita samkeppnislögum gegn þeim.

Í ályktun iðnþings Samtaka iðnaðarins er m.a. fjallað um mikilvægan hlut erlends starfsfólks við stóriðjuframkvæmdir, þörf á framleiðniaukningu, skort á vel menntuðu fólki á sviði iðn-, verk-, tækni- og raungreina, og skort á fjármagni til nýsköpunar.

Jón Rúnar Pálsson, lögmaður hjá SA, hefur öðlast réttindi til málflutnings fyrir Hæstarétti og óska samtökin honum til hamingju með áfangann. Þessi áfangi eflir enn vinnumarkaðssvið samtakanna, en þar starfa nú tveir hæstaréttarlögmenn og þrír héraðs-dómslögmenn.

 

Í febrúar voru skráðir 101.921 atvinnuleysisdagar á landinu öllu sem jafngilda því að 5.097 manns hafi að meðaltali verið á atvinnuleysisskrá, eða 3,6% af áætlun efnahagsskrifstofu fjármálaráðuneytis um mannafla á vinnumarkaði. Að mati Vinnumálastofnunar má gera ráð fyrir að atvinnu-ástandið batni lítilsháttar í mars.

SA og aðildarfélög hafa skilað sameiginlegri umsögn um frumvarp til laga um siglingavernd. Samtökin telja gríðarlega mikilvægt að vel takist til verka við nánari útfærslu laganna sem ýmsum opinberum aðilum er falin í frumvarpinu, þannig að um leið og framkvæmdin uppfylli lágmarks-kröfur alþjóðasamninga þá sé hún ekki um of íþyngjandi hvað varðar kostnað eða umstang.

SA berst mikill fjöldi þingmála til umsagnar og eru upplýsingar um umsagnarferlið birtar á vef samtakanna, þ.e. hvenær mál barst sam-tökunum, hver sé ábyrgðarmaður málsins og hvenær það sé afgreitt. Félagsmenn SA sem vilja hafa áhrif á gerð umsagnar eru hvattir til að hafa samband við ábyrgðarmann.

Aðalfundur Samtaka atvinnulífsins 4. maí.

 

Aðalfundur Samtaka atvinnurekenda í raf- og tölvuiðnaði (SART) 7. maí.

Samtök ferðaþjónustunnar vilja að stefnt verði að tvöföldun gjaldeyristekna af ferðaþjónustu fyrir lok árs 2012 og að beinar gjaldeyristekjur verði þá komnar í a.m.k. 80 milljarða króna. Til þess að þetta megi ganga eftir segja þau nauðsynlegt að tryggja betri arðsemi fyrirtækja í ferðaþjónustu.

Árið 2004 skipuleggur Útflutningsráð m.a. ferðir viðskiptasendinefnda til Alaska og Seattle í maí, sem Árni M. Mathiesen sjávarútvegsráðherra fer fyrir, til Litháen í byrjun júní og til Rússlands í september.

UNICE, Evrópusamtök atvinnulífsins, hafa kynnt sérstaka aðgerðaáætlun um leiðir til að efla samkeppnishæfni álfunnar. Í skýrslu samtakanna er m.a. lögð áhersla á mikilvægi þess að draga úr reglubyrði, auka sveigjanleika á vinnumarkaði og auka stuðning við rannsóknir og þróun.